د.جمال شعبان يرفض اقامة صلاة الغائب على الصحفية المسيحية .. خالد منتصر : ليه حذفت المنشور مش انت مقتنع باللي فيه زي اقتناعك بان صلاة الفجر بتشفي الجلطة !

كتب الدكتور جمال شعبان، استشاري أمراض القلب والأوعية الدموية، العميد السابق لمعهد القلب، تدوينة عبر حسابه على فيسبوك، ابدى فيها رفضه الشديد لاقامة صلاة الغائب على روح الصحفية الفلسطينية المسيحية شيرين انطوان ابو عاقلة، ثم بعدها حذف المنشور جراء الهجوم عليه واتهامه بالتعصب، الا انه كان تم تدواله على نطاق واسع، وجاء بنص المنشور :

احنا بكينا علشانك وتعاطفنا إنسانيًا يا شيرين لكن صلاة جنازة إسلامية وصلاة غائب لأكون صادقا معك ما ينفعش ما يصحش دا مش بایدینا دا دستور سماوي وسنن نبوية مش بمزاجنا #ما_تزعلوش.

ورد عليه الكاتب والطبيب خالد منتصر في تعليق :”

حذفت البوست ليه يادكتور بعد مانشرناه ؟؟! مش حضرتك مقتنع باللي فيه زي ماحضرتك مقتنع بان صلاة الفجر بتشفي الجلطة والاعتكاف بيعالج الصداع والسبع تمرات بتعالج التسمم وجناح الدبانه بيعالج البكتيريا والحجامة بتشفي الروماتويد وحبة البركة بتعالج فشل القلب الخ .

كنت خليها وماتخافش البيزنس ماشي وشغال، إلا صحيح كان فيه سؤال ..ليه ماسميتش المستشفى الجديده مستشفى الاعجاز والسبع تمرات ؟؟ وليه حضرتك جايب أجهزة عنايه مركزة وبتستعمل أدوية مذيبة للجلطات مش كفايه إنك تخلي المرضى يعتكفوا في الفجر وده يدوب الجلطة ؟؟! وهل ستفتتح قسماً للحجامة بدلاً من استخدام القسطره ؟!! بالتوفيق يادكتور.