جيجي ميخائيل تتهم مسؤول كبير بصحة الغربية بإهانتها: اقالوني تعسفيا من منصبى كرئيس لقسم الكلى لرفضى سحب محضر الشرطة المقدم فى معاليه
تداول رواد موقع التواصل الاجتماعي (فيسبوك)، منشور اتهمت فيه سيدة تدعى (جيجي ميخائيل)، مسؤول كبير بصحة الغربية بإهانتها بشكل صريح بكلمات غير لائقة، وجاء بنص منشورها الذي كتبته عبر حسابها الخاص بموقع فيسبوك :
للاسف لما يتم اهانتى إهانة صريحة بكلمات غير لائقة بمن اصدرها وهو للاسف الشديد (أكبر قيادات الصحة بالغربية) !!!، وذلك فى محل عملى بوحدة الكلى التى اتشرف برئاستها اليوم4/4 /2022 الساعة الثانية ظهرا على مراى ومسمع من الجميع يبقى ده شئ لايصدقه عقل فعلا !!!!!!!.
ونقطة الشرطة بالمستشفى امتنعوا عن عمل محضر بالواقعة مما اضطرنى للذهاب لقسم الشرطة لعمل محضر !!!! باشكر كل من اتصل على تليفونيا او كتب لى على مواقع التواصل الاجتماعى.
وباطمن الجميع ان انا بخير الحمد لله واتخذت كافة الاجراءات القانونية لرجوع حقى ، هو السبب معروف اكيييييييد للجميع فى المنشاوى بس خلى المعنى فى بطن الشاعر بقى واول كلمة السر (مكافاة الكلى لعام 2021 بمبلغ 722 الف جنيه مصرى فقط لاغير ).
ملحوظة هامة : اللعبة شكلها وحش اوى ومحاولة اقالتى من رئاسة القسم لمطالبتى بمكافاة العاملين ده تعسف إدارى والاوراق هتكون فى النيابة فى القريب العاجل ان شاء الله.
(تعديل هام ) لمن يهمه الامر تمت إقالتى تعسفيا من منصبى كرئيس لقسم الكلى بمستشفى المنشاوى العام بطنطا فى نفس اليوم 4/4 /2022 دون وجود اى مخالفات بالوحدة حوالى الساعة الرابعة عصرا لرفضى سحب محضر الشرطة المقدم فى معالى وكيل وزارة الصحة بالغربية .
#كرامة_الاطباء_خط_احمر
وعلشان كل اللى طلبوا تفاصيل الاهانة و العبارات كلها حرفيا اهى و هو بيزعق ويصرخ داخل وحدة الكلى وفى وجود المرضى وكل العاملين وطبعا كل لجان المديرية اللى كانت متواجدة معاه :
(انتى عاملة نفسك بتفهمى وانتى مابتفهميش حاجة !!!
اخرسى لما اتكلم انتى تخرسى خالص !!!
مش عايز اسمع صوتك اطلعى بره اطلعى بره !!!!!)
ولانى اصبت بالذهول الحمد لله ماغلطش كل اللى فلته ( ايه ده ابه ده مايصحش كدة ماينفعش حالص تتكلم كدة) ردى كان كله براءة الحقيقة !! .
ولما نفطة المستشفى امتنعوا عن كتابة المحضر ما كانش فيه بديل عن قسم الشرطة !!!.
