أول رد من زوج مريم وهيب علي فيديو إشهار إسلامها
أكد الدكتور جوزيف سعد، زوج مريم وهيب يوسف، القبطية المخطفة من محافظة بني سويف، أن “فيديو مريم دليل برائتها واتفرج براحتك على الفيديو 100 مرة وحاول تكدب عنيك وتقول أنها ماشيه بمزاجها واضح جدا ف الفيديو السعادة اللي هي فيها وطايره من الفرح ده منظر انسان طبيعي بيعمل حاجه بكامل ارادته ده منظر انسان طبيعي فرحان ومبسوط.. خايفين منهم ليه ايه الانتصار في كده انسانه غلبانه مكسورة الجناح ليكم 8 ايام بتعذبوا فيها وتضغطو عليها”.
وتابع: كفايه إرهاب بقى من يوم ما مشيت ليه مطلعتش عملت الفيديو ده وقفلت القصة ببساطة لان ليها 8 أيام بتتعذب وبيضغطوا عليها بكل الطرق وهي متمسكة بمسحها ومسيحيتنا مجبتهاش ليه قدام جوزها وأهلها تقولهم الكلام ده.. فين جلسات النصح والإرشاد .. كفايه إرهاب بقى كفايه إرهاب بقى دايسين علينا ليه؟ بتعاقبونا على ايه؟
وقال الدكتور جوزيف سعد: هنفضل مسيحيين هنعيش ونموت نفتخر بصليب ربنا يسوع المسيح والمسيح اللي جوه مريم هيفضل عايش جواها وهتعيش وتموت مسيحيه الانسانه اللي خدمت وربت وطلعت شمامسة مباركين وزوجها وبيتها وخدمتها بالشكل ده هتفضل طول عمرها مسيحية هتعيش وتموت مسيحية افرحوا بالشهادة وغيرو الأسماء روحها مسيحية وعقلها مسيحي.
